Un vigués gaña un certame televisivo nipón cantando a canción d'As bólas máxicas na nosa lingua.
Un vigués afincado no Xapón, Amir García, gañou un concurso da televisión xaponesa cantando o tema en galego da serie As bólas máxicas. Segundo informa o blog Export-Manga, que tamén publicou o vídeo do programa no YouTube, o espazo, Sanmas Super Karakuri Terebi é un dos máis vistos no país nipón, con 10 millóns de telespectadores.
O espazo, da canle TBS, e caracterizado pola peculiar estética xaponesa, consiste en cantar versións de cancións famosas, neste caso de series de debuxos animados dos anos 70 e 80. García cantou, ademais da canción de Songoku, unha versión das sintonías de Comando G e de Mazinger Z dedicada aos seus amigos.
Até chegar á final do concurso, o galego superou dúas audicións con máis de 300 persoas, todas elas xaponesas. O xuíz do programa foi o cantante orixinal do tema de Mazinger Z, Mizuki Ichiro, que quedou impresionado polo coñecemento da cultura xaponesa que amosou Amir García, e que lle valeu a vitoria.
Fonte: www.vieiros.com
No hay comentarios:
Publicar un comentario